பெங்களூருவில் பிரபல கன்னட நடிகர் காசிநாத் மரணம்

பெங்களூருவில் பிரபல கன்னட நடிகர் காசிநாத் மரணம்
பெங்களூருவில் பிரபல கன்னட திரைப்பட நடிகர் காசிநாத் நேற்று மரணம் அடைந்தார். அவரது உடலுக்கு கன்னட திரையுலகினர் திரண்டு வந்து அஞ்சலி செலுத்தினர்.


பிரபல கன்னட திரைப்பட நடிகர் காசிநாத் (வயது 67). இவர் சுமார் 43 கன்னட திரைப்படங்களில் நடிகராகநடித்துள்ளார். பல்வேறு படங்களையும் தயாரித்து இருக்கிறார்.

இவர் பெங்களூரு ஜெயநகரில் வசித்து வந்தார். அவர் புற்றுநோயால் பாதிக்கப்பட்டு அடிக்கடி சிகிச்சை பெற்று வந்தார்.

இந்த நிலையில் உடல்நிலை மோசம் அடைந்ததை அடுத்து கடந்த சில நாட்களுக்கு முன்பு பெங்களூருவில் உள்ள ஒரு தனியார் மருத்துவமனையில் அவர் அனுமதிக்கப்பட்டார்.

அவருடைய உடல்நிலை மிகவும் மோசம் அடைந்ததை அடுத்து அவர் நேற்று காலை 8 மணியளவில் மரணம் அடைந்தார். அவருக்கு மனைவி, ஒரு மகன் மற்றும் ஒரு மகள் உள்ளனர்
நடிகர் காசிநாத் மறைவுக்கு முதல்-மந்திரி சித்தராமையா, கர்நாடக பா.ஜனதா தலைவர் எடியூரப்பா, ஜனதா தளம்(எஸ்) கட்சி தேசிய தலைவர் தேவேகவுடா, முன்னாள் முதல்-மந்திரி குமாரசாமி உள்பட அரசியல் கட்சி தலைவர்கள் இரங்கல் தெரிவித்து உள்ளனர்.

பொதுமக்கள் அஞ்சலி செலுத்துவதற்காக காசிநாத்தின் உடல் பசவனகுடியில் உள்ள ஒரு தனியார் கல்லூரி மைதானத்தில் வைக்கப்பட்டு இருந்தது.

நடிகர்கள் உபேந்திரா, சிவராஜ்குமார், தர்ஷன், யஷ், நடிகைகள் உமாஸ்ரீ, அபிநயா உள்பட கன்னட திரையுலகினர் ஏராளமானவர்கள் நேரில் திரண்டு வந்து அஞ்சலி செலுத்தினர்.

பின்னர் நேற்று மாலையில் அவரது உடல் சாம்ராஜ்பேட்டையில் உள்ள மயானத்தில் தகனம் செய்யப்பட்டது.

காசிநாத் வித்தியாசமான கதையம்சம் கொண்ட படங்களை இயக்கி கன்னட திரைத்துறையில் தனக்கு என்று ஒரு தனி அடையாளத்தை உருவாக்கி கொண்டார்.

2 படங்களுக்கு வசனமும் எழுதினார். கன்னடம் மற்றும் தெலுங்கில் தலா ஒரு படத்திற்கு இசை அமைத்தார். பல படங்களை தயாரித்தும் இருக்கிறார்.

மேலும் இவர் நடிகர்கள் உபேந்திரா, குமார் கோவிந்த், இசை அமைப்பாளர் மனோகர், இயக்குனர் சுனில்குமார் ஆகியோரை கன்னட திரையுலகில் அறிமுகம் செய்தவர்.

நடிகைகள் உமாஸ்ரீ, அபிநயா ஆகியோரை அறிமுகம் செய்து தனது திரைப்படங்களில் அதிகமான வாய்ப்புகளை வழங்கியவர். 1980-ம் ஆண்டுகளில் ‘அமர மதுர பிரேம‘ படத்தின் மூலம் திரையுலகில் அறிமுகமான காசிநாத், சமூக அக்கறை உள்ள படங்களில் அதிகமாக நடித்துள்ளார்.
https://goo.gl/dHTNxb






18 Dec 2018

மாரியில் ரோபோ ஷங்கர் வேண்டாம் என்று ஒத்த காலில் நின்றேன்: தனுஷ்

18 Dec 2018

மகள் நினைவாக பாடகி சித்ரா கட்டிய கீமோ’ சிகிச்சை மையம்

13 Dec 2018

நடன இயக்குனரை மணந்தார் நடிகை சாந்தினி

13 Dec 2018

நடிகை சுருதி ஹரிகரன் மீ டூ’வால் பட வாய்ப்புகள் இழந்தேன்

11 Dec 2018

ரஜினிகாந்துடன் நடித்தது பெருமை” - நடிகை திரிஷா மகிழ்ச்சி

11 Dec 2018

புதிய ஆரம்பத்தின் முதல் அடையாளம்; மக்கள் தீர்ப்பு இது: கமல்ஹாசன்

10 Dec 2018

சாதி வெறியர்களின் முகத்தில் கரியைப் பூசிய கவுசல்யாவுக்கு வாழ்த்துகள்: நடிகர் சத்யராஜ்

01 Nov 2018

2.0 - ரஜினியுடன் நடிக்க மறுத்த கமல்

01 Nov 2018

மலையாள இயக்குனர் மீது லட்சுமி ராமகிருஷ்ணன் பாலியல் புகார்

31 Oct 2018

செருப்பால் தாக்கி சண்டையிட்ட பிரபல நடிகரின் 2 மனைவிகள்