ஆட்சியை தக்கவைத்துக் கொள்வதில் தான் தமிழக அரசு கவனம் செலுத்துகிறது: ஸ்டாலின்

ஆட்சியை தக்கவைத்துக் கொள்வதில் தான் தமிழக அரசு கவனம் செலுத்துகிறது: ஸ்டாலின்

ஆட்சியை தக்க வைத்துக் கொள்ள வேண்டும் என்பதில் தான் தமிழக அரசு கவனம் செலுத்துகிறது என, திமுக செயல் தலைவர் மு.க.ஸ்டாலின் குற்றம்சாட்டியுள்ளார்.

பழைய ஓய்வூதியத்தை அமல்படுத்த வேண்டும், 7-வது ஊதிய கமிஷன் பரிந்துரைகளை நிறைவேற்ற வேண்டும், 21 மாதமாக நிலுவையில் உள்ள சம்பளத்தை வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, அரசு ஆசிரியர்கள் மற்றும் ஊழியர்களின் அமைப்பான ஜாக்டோ ஜியோ அமைப்பினர் சென்னை எழிலகத்தில் திங்கள்கிழமை முதல் உண்ணாவிரத போராட்டத்தை நடத்தி வருகின்றனர். இரண்டாவது நாளான இன்று (செவ்வாய்க்கிழமை) உண்ணாவிரத போராட்டத்தில் ஈடுபட்டிருக்கும் ஜாக்டோ ஜியோ அமைப்பினரை எதிர்க்கட்சி தலைவரும் திமுக செயல் தலைவருமான மு.க.ஸ்டாலின் நேரில் சந்தித்து போராட்டத்திற்கு ஆதரவு தெரிவித்தார்.

அதன்பின் செய்தியாளர்களைச் சந்தித்த மு.க.ஸ்டாலின், “பல கோரிக்கைகளை முன்வைத்து ஜாக்டோ - ஜியோ அமைப்பினர் இரண்டாவது நாளாக உண்ணாவிரத போராட்டத்தில் ஈடுபட்டு வருகின்றனர். சென்னை மட்டுமல்லாமல் தமிழகம் முழுவதும் மாவட்ட தலைநகரங்களில் அவர்களது போராட்டம் தொடர்ந்து நடைபெற்று வருகிறது. அரசு உடனடியாக அவர்களின் கோரிக்கைகளை பரிசீலித்து உரிய நடவடிக்கை எடுக்க வேண்டும்.

அதிமுக ஆட்சி இருக்கும் வரை அரசு ஆசிரியர்கள், ஊழியர்களின் கோரிக்கைகள் நிறைவேற போவதில்லை. விரைவில் ஆட்சியமைக்க இருக்கும் திமுக அவர்களின் கோரிக்கைகளை பரிசீலித்து நிறைவேற்றும். உண்ணாவிரத போராட்டத்தை இன்றுடன் முடித்துக் கொள்ளுமாறு அவர்களிடம் வலியுறுத்தியுள்ளேன். இந்த பிரச்சினையை நிச்சயமாக சட்டப்பேரவையில் எழுப்புவேன்.

மக்கள் பிரச்சினைகளை தமிழக அரசு கண்டு கொள்வதில்லை. அரசு ஆசிரியர்கள், ஊழியர்கள், விவசாயிகள், பொதுமக்கள் யாருடைய பிரச்சினைகள் குறித்தும் கவனம் கொள்வதில்லை. ஆட்சியை எப்படி தக்க வைத்துக் கொள்வது என்பது குறித்து தான் தமிழக அரசு சிந்திக்கிறது. எம்எல்ஏக்களுக்கு மாமுல் தந்து ஆட்சியை தக்க வைத்துக் கொள்ள வேண்டும் என்பதில் தான் ஆட்சியாளர்கள் கவனம் செலுத்துகின்றனர்” என மு.க.ஸ்டாலின் தெரிவித்தார்.
https://goo.gl/4gLZoH






01 Nov 2018

ஜெயலலிதாவை உணர்வற்ற நிலையில் தான் பார்த்தேன்': ஜனாதிபதிக்கு எழுதிய கடிதத்தில் வித்யாசாகர் ராவ் தகவல்

01 Nov 2018

உயிரைப் பறித்த செல்ஃபி மோகம்: 800 அடி மலை உச்சியில் இருந்து விழுந்த ஜோடி மரணம்

31 Oct 2018

தாயை கொன்று குழந்தையையும் கொல்ல முயன்ற இளைஞர் கைது

31 Oct 2018

நாளை முதல் தமிழகத்தில் வடகிழக்குப் பருவமழை தொடங்கும்- சென்னை வானிலை மையம்

25 Oct 2018

18 எம்எல்ஏக்களை தகுதி நீக்கம் செய்தது செல்லும் - உயர்நீதிமன்றம் தீர்ப்பு

22 Oct 2018

சென்னை மாதவரத்தில் டெங்கு காய்ச்சலுக்கு இரட்டை குழந்தைகள் பலி

22 Oct 2018

“ஆடியோவில் இருப்பது எனது குரல் அல்ல; வழக்கு தொடருவேன்”அமைச்சர் ஜெயக்குமார்

22 Oct 2018

சென்னையில் வேகமாகப் பரவும் டெங்கு காய்ச்சல்

16 Oct 2018

கத்தியால் குத்தப்பட்ட கணவர் மரணம்- மனைவி, காதலன் கைது

11 Oct 2018

மருத்துவ மாணவியை சுட்டுக்கொன்று போலீஸ்காரர் தற்கொலை