இந்தியா‍‍‍‍‍‍-இலங்கை அரையிறுதியில் மோதல்

இந்தியா‍‍‍‍‍‍-இலங்கை அரையிறுதியில் மோதல்
சாம்பியன்ஸ் டிராபி தொடரின் அரையிறுதி வாய்ப்பை இழந்து வெளியேறியது "நடப்பு சாம்பியன்' ஆஸ்திரேலியா. நேற்று நடந்த பரபரப்பான லீக் போட்டியில் இலங்கையிடம் 20 ரன்கள் வித்தியாசத்தில் வீழ்ந்தது.

வரும் 20ம் தேதி நடக்கும் இரண்டாவது அரையிறுதி போட்டியில் இந்தியா, இலங்கை அணிகள் மோதுகின்றன. இதில் வென்றால், இந்திய அணி பைனலுக்கு முன்னேறலாம்.

இங்கிலாந்தில் சாம்பியன்ஸ் டிராபி தொடர் நடக்கிறது. நேற்று நடந்த லீக் போட்டியில் இலங்கை, ஆஸ்திரேலிய அணிகள் மோதின. "டாஸ்' வென்ற ஆஸ்திரேலிய கேப்டன் ஜார்ஜ் பெய்லி, "பீல்டிங்' தேர்வு செய்தார்.

அரையிறுதிக்கு முன்னேற கட்டாய வெற்றியை எதிர்நோக்கி களமிறங்கிய இலங்கை அணிக்கு குசல் பெரேரா(4), சங்ககரா(3 ) ஏமாற்றினர். பின் தில்ஷன், திரிமான்னே சேர்ந்து பொறுப்பாக ஆடினர்.

பால்க்னர் ஓவரில் அடுத்தடுத்து பவுண்டரிகள் விளாசிய திரிமான்னே, மார்ஷ் பந்துகளையும் விட்டு வைக்கவில்லை. மறுமுனையில் பந்துகளை "விழுங்கிய' தில்ஷன் (34 ரன், 58 பந்து), தோகர்டி "சுழலில்' வெளியேறினார். தனது 5வது அரைசதம் அடித்த திரிமான்னே, 57 ரன்னுக்கு அவுட்டானார்.

 கேப்டன் மாத்யூஸ் (12) நிலைக்கவில்லை. அதிரடியாக ரன் சேர்த்த ஜெயவர்தனா, ஒருநாள் அரங்கில் 69வது அரைசதம் அடித்தார்.

இலங்கை அணிக்காக முதல் சிக்சர் அடித்த சண்டிமால், 31 ரன்கள் எடுத்தார். குலசேகரா (6), ஹெராத் (2) ரன் அவுட்டாகினர். இலங்கை அணி 50 ஓவரில் 8 விக்கெட்டுக்கு 253 ரன்கள் எடுத்தது. ஜெயவர்தனா (84), மலிங்கா (2) அவுட்டாகாமல் இருந்தனர்.

ஆஸ்திரேலிய அணி 29.1 ஓவரில் 254 ரன்கள் எடுத்தால், அரையிறுதிக்கு முன்னேறலாம் என்ற இக்கட்டான நிலையில் களமிறங்கியது. குலசேகரா "வேகத்தில்' வாட்சன்(5) போல்டாக, ஆரம்பமே படுமோசமாக அமைந்தது. ஹியுஸ்(13) நிலைக்கவில்லை.

சிறிது நேரம் அதிரடி காட்டிய மேக்ஸ்வெல்(32), மலிங்கா பந்தில் போல்டானார். பெய்லி(4) ரன் அவுட்டானார். மிட்சல் மார்ஷ்(4) ஏமாற்றினார். இப்படி "டாப்-ஆர்டர்' பேட்ஸ்மேன்கள் சொதப்ப, 13 ஓவரில் 5 விக்கெட்டுக்கு 80 ரன்கள் எடுத்து தவித்தது.

பின் ஆடம் வோஜஸ், மாத்யூ வேட் சேர்ந்து போராடினர். குலசேகரா பந்தில் வேட்(31) வெளியேறினார். பால்க்னர்(17), ஜான்சன்(4) நிலைக்கவில்லை. வோஜஸ்(49) அரைசதம் அடிக்கும் வாய்ப்பை இழந்தார்.

கடைசி கட்டத்தில் மெக்கே, தோகர்டி துணிச்சலாக விளையாட, போட்டியில் சூடு பிடித்தது. இந்த நேரத்தில் பந்துவீச வந்த தில்ஷன் திருப்புமுனை ஏற்படுத்தினார்.

இவரது கலக்கல் "கேட்ச்சில்' மெக்கே(30) அவுட்டாக, இலங்கை வீரர்கள் மகிழ்ச்சியில் துள்ளிக் குதித்தனர். ஆஸ்திரேலிய அணி 42.3 ஓவரில் 233 ரன்களுக்கு ஆல் அவுட்டாகி தோல்வி அடைந்தது. தோகர்டி(15) அவுட்டாகாமல் இருந்தார்.

வரும் 20ம் தேதி நடக்கும் இரண்டாவது அரையிறுதி போட்டியில் இந்தியா, இலங்கை அணிகள் மோதுகின்றன. 19ம் நடக்கும் முதலாவது அரையிறுதியில் இங்கிலாந்து அணி, தென் ஆப்ரிக்காவை சந்திக்கும்.

நேற்று, 84 ரன்கள் எடுத்த இலங்கை அணியின் மகிளா ஜெயவர்தனா, 62வது ரன்னை கடந்த போது, ஒருநாள் கிரிக்கெட் அரங்கில் 11 ஆயிரம் ரன்கள் என்ற புதிய மைல்கல்லை எட்டினார்.

இதுவரை இவர், 394 போட்டியில் 15 சதம், 69 அரைசதம் <உட்பட 11,022 ரன்கள் எடுத்துள்ளார். இதன்மூலம் இந்த இலக்கை எட்டிய 3வது இலங்கை வீரர் மற்றும் 8வது சர்வதேச வீரரானார்.

முன்னதாக இந்தியாவின் சச்சின் (18426 ரன்), ஆஸ்திரேலியாவின் பாண்டிங் (13704), இலங்கையின் ஜெயசூர்யா (13430), பாகிஸ்தானின் இன்சமாம் (11739), தென் ஆப்ரிக்காவின் காலிஸ் (11498), இந்தியாவின் கங்குலி (11363), இலங்கையின் சங்ககரா (11231) ஆகியோர் இம்மைல்கல்லை எட்டினர்
https://goo.gl/Mu5L9L






15 May 2017

IPL கிரிக்கெட்டில் புனே அணிக்கு 9–வது வெற்றி அடுத்த சுற்றுக்கு முன்னேறியது

14 May 2017

IPL கிரிக்கெட்டில் குஜராத்தை வீழ்த்தியது, ஐதராபாத் அணி

09 May 2017

மாட்ரிட் ஓபன் டென்னிஸ்: கனடா வீராங்கனை பவுச்சர்டிடம் ‌ஷரபோவா தோல்வி

09 May 2017

ஐ.பி.எல். கிரிக்கெட்டில் கொல்கத்தாவை தோற்கடித்து பஞ்சாப் அணி 6–வது வெற்றி

17 Jan 2016

3-வது ஒருநாள் கிரிக்கெட்: விராட் கோலி சதம் வீண், இந்தியா மீண்டும் தோல்வி -ஆஸ்திரேலியா வெற்றி

12 Jul 2015

ஜிம்பாப்வேயை 62 ரன்கள் வித்தியாசத்தில் வீழ்த்தி இந்திய அணி அபார வெற்றி

01 Jun 2015

கெய்ல் அதிரடி சதம் வீண்

28 May 2015

நீட்டா அம்பானி விருந்தில் திளைத்த மும்பை அணி வீரர்கள்

25 May 2015

இந்தியா-தென்னாப்பிரிக்கா மோதல் தயார்

25 May 2015

ஷரபோவா பிரெஞ்ச் ஓபன் தொடரை கைப்பற்றினார்