tamilkurinji logo


 

உமேஷ் யாதவ் அபாரம் : திக்கு முக்காடிய ஆஸ்திரேலியா,sports news

sports,news




செய்திகள் >>> விளையாட்டு

உமேஷ் யாதவ் அபாரம் : திக்கு முக்காடிய ஆஸ்திரேலியா

First Published : Tuesday , 4th June 2013 10:48:47 PM
Last Updated : Tuesday , 4th June 2013 10:48:47 PM


உமேஷ் யாதவ் அபாரம் : திக்கு முக்காடிய ஆஸ்திரேலியா,sports news

சாம்பியன்ஸ் டிராபி கிரிக்கெட் பயிற்சி போட்டியில் இந்திய அணி, 243 ரன்கள் வித்தியாசத்தில், இமாலய வெற்றி பெற்றது. பேட்டிங்கில் அசத்திய தினேஷ் கார்த்திக், சதம் அடித்து அசத்தினார். ஆஸ்திரேலிய அணி 65 ரன்னுக்கு சுருண்டு, பரிதாபமாக வீழ்ந்தது.

சாம்பியன்ஸ் டிராபி கிரிக்கெட் தொடர், இங்கிலாந்தில் நாளை துவங்கி, 23ம் தேதி வரை நடக்கிறது. இதற்கான இரண்டாவது பயிற்சி போட்டியில் இந்தியா, ஆஸ்திரேலிய அணிகள் மோதின. "டாஸ்' வென்ற இந்திய அணி கேப்டன் தோனி, பேட்டிங் தேர்வு செய்தார்.

இந்திய அணிக்கு ஷிகர் தவான், முரளி விஜய் ஜோடி மந்தமான துவக்கம் கொடுத்தது. முரளி விஜய் (1), அம்பயரின் தவறான தீர்ப்பில் எல்.பி.டபிள்யு., ஆனார். கடந்த போட்டியில் சதம் அடித்த விராத் கோஹ்லி, இம்முறை 9 ரன்னுடன் நடையைக் கட்டினார்.

அடுத்த சிறிது நேரத்தில் ரோகித் சர்மா (10) வெளியேறினார். பெரிதும் எதிர்பார்க்கப்பட்ட ரெய்னா, மெக்கே வேகத்தில் "டக்' அவுட்டானார். நீண்ட நேரம் களத்தில் இருந்த ஷிகர் தவானும் (17) அணியை கைவிட்டார். இந்திய அணி 55 ரன்னுக்கு 5 விக்கெட்டுகளை இழந்து தடுமாறியது.

பின் இணைந்த தினேஷ் கார்த்திக், தோனி ஜோடி பொறுப்பான ஆட்டத்தை வெளிப்படுத்தியது. இவர்களது நிதான ஆட்டம் கைகொடுக்க இந்திய அணி சரிவில் இருந்து மீண்டது. இதன் பின் இருவரும் அப்படியே அதிரடிக்கு மாறினர்.

வாட்சன் பந்தில் தோனியும், பால்க்னர் பந்தில் தினேஷ் கார்த்திக்கும் தலா ஒரு சிக்சர் அடித்தனர். மார்ஷ் ஓவரில் 2 சிக்சர், ஒரு பவுண்டரி அடித்த தோனி அரைசதம் அடித்தார். இந்த ஓவரில் மொத்தம் 22 ரன்கள் எடுக்கப்பட்டன.

மறுமுனையில் அபார ஆட்டத்தை தொடர்ந்த தினேஷ் கார்த்திக், ஸ்டார்க் ஓவரில் அடுத்தடுத்து இரு பவுண்டரி விளாசினார். இவர், தொடர்ந்து இரண்டாவது பயிற்சி போட்டியிலும் சதம் அடித்து அசத்தினார். ஜான்சன் ஓவரில் தலா ஒரு சிக்சர், பவுண்டரி அடித்து மிரட்டினார் தோனி.

ஆறாவது விக்கெட்டுக்கு 211 ரன்கள் சேர்த்த நிலையில், தோனி 91 ரன்னுக்கு அவுட்டானார். அடுத்து வந்த ஜடேஜா, தன்பங்கிற்கு ஸ்டார்க் ஓவரில், தலா ஒரு சிக்சர், பவுண்டரி என, விளாசினார்.

இந்திய அணி 50 ஓவரில் 6 விக்கெட்டுக்கு, 308 ரன்கள் எடுத்தது. தினேஷ் கார்த்திக் (146), ஜடேஜா (14) அவுட்டாகாமல் இருந்தனர். ஆஸ்திரேலியா சார்பில் மிட்சல் ஸ்டார்க், மெக்கே இருவரும் தலா 2 விக்கெட் வீழ்த்தினர்.

கடின இலக்கை துரத்திய ஆஸ்திரேலியா அணிக்கு, உமேஷ் யாதவ் பெரும் தொல்லை கொடுத்தார். இவரது வேகத்தில் "டாப் ஆர்டர்' அப்படியே தகர்ந்தது. முதலில் வேட் (5) போல்டானார். வார்னர் "டக்' அவுட்டானார். அடுத்து பெய்லியும் (1) போல்டானார்.

தொடர்ந்து மிரட்டிய உமேஷ் யாதவ், தனது ஐந்தாவது ஓவரில் ஹியுஸ் (14), மார்ஷ்(0) என, இருவரையும் அடுத்தடுத்த பந்தில் வெளியேற்றினார்.

ஆஸ்திரேலிய அணி 28 ரன்னுக்கு 5 விக்கெட்டுகளை இழந்து தள்ளாடியது. அணியை மீட்பார் என்று நம்பப்பட்ட வாட்சனை (4), இஷாந்த் சர்மா "கவனித்து' அனுப்பினார். தொடர்ந்து பால்க்னர் (7), ஜான்சன் (2), இஷாந்த் வேகத்தில் வீழ்ந்தனர். ஸ்டார்க் (0) ரன் அவுட்டானார். கடைசியில் வோஜஸ் (23) அஷ்வின் சுழலில் சிக்கினார்.

ஆஸ்திரேலிய அணி 23.3 ஓவரில், 65 ரன்னுக்கு சுருண்டு, 243 ரன்கள் வித்தியாசத்தில் தோல்வி அடைந்தது. மெக்கே (4) அவுட்டாகாமல் இருந்தார். இந்தியா சார்பில் <உமேஷ் யாதவ் 5, இஷாந்த் சர்மா 3 விக்கெட் கைப்பற்றினர்.

வெஸ்ட் இண்டீஸ், இலங்கை அணிகள் மோதிய மற்றொரு பயிற்சி போட்டி பர்மிங்காமில் நடந்தது. "டாஸ்' வென்ற இலங்கை அணி பீல்டிங் தேர்வு செய்தது.

வெஸ்ட் இண்டீஸ் அணிக்கு கெய்ல் (22), சாமுவேல்ஸ் (18) ஆறுதல் அளித்தனர். சார்லஸ் (58), பிராவோ (71), சர்வான்(55) கைகொடுத்தனர். முடிவில், வெஸ்ட் இண்டீஸ் அணி 50 ஓவரில் 6 விக்கெட்டுக்கு 297 ரன்கள் எடுத்தது. போலார்டு (29), ராம்பால் (1) அவுட்டாகாமல் இருந்தனர். இலங்கை அணி சார்பில் திசரா பெரேரா, எரங்கா தலா 2 விக்கெட் வீழ்த்தினர்.

கடின இலக்கை துரத்திய இலங்கை அணிக்கு குசல் பெரேரா (24), ஜெயவர்தனா (29) நீடிக்கவில்லை. பொறுப்புணர்ந்து விளையாடிய சங்ககரா (56) அரை சதம் கடந்தார். போராடிய தில்கரா 42 ரன்களில் பெவிலியன் திரும்பினார்.

முடிவில், இலங்கை அணி 47 ஓவரில் 280 ரன்களுக்கு ஆல்-அவுட்டாகி,17 ரன்கள் வித்தியாசத்தில் தோல்வியடைந்தது. வெஸ்ட் இண்டீஸ் அணி சார்பில் பிராவோ 3, ராம்பால், நரைன் தலா 2 விக்கெட் வீழ்த்தினர்.

உமேஷ் யாதவ் அபாரம் : திக்கு முக்காடிய ஆஸ்திரேலியா,sports news உமேஷ் யாதவ் அபாரம் : திக்கு முக்காடிய ஆஸ்திரேலியா,sports news உமேஷ் யாதவ் அபாரம் : திக்கு முக்காடிய ஆஸ்திரேலியா,sports news
Potato Capsicum Green Peas Curry சென்னை காரக்குழம்பு Kathirikai varuval
 ஐ.பி.எல். கிரிக்கெட்டில் கொல்கத்தாவை தோற்கடித்து பஞ்சாப் அணி 6–வது வெற்றி
ஐ.பி.எல். கிரிக்கெட் போட்டியில் நேற்று நடந்த லீக் ஆட்டத்தில் பஞ்சாப் அணி 14 ரன்கள் வித்தியாசத்தில் கொல்கத்தாவை தோற்கடித்து 6–வது வெற்றியை பெற்றது.  10–வது ஐ.பி.எல். 20 ஓவர் கிரிக்கெட் போட்டி இறுதிகட்டத்தை நெருங்கி வருகிறது. இதில் பங்கேற்றுள்ள 8 அணிகளும்

மேலும்...

 3-வது ஒருநாள் கிரிக்கெட்: விராட் கோலி சதம் வீண், இந்தியா மீண்டும் தோல்வி -ஆஸ்திரேலியா வெற்றி
ஆஸ்திரேலியாவுக்கு எதிரான மூன்றாவது ஒரு நாள் போட்டியிலும் இந்தியா தோல்வியடைந்தது. மேலும், ஆஸ்திரேலியாவுக்கு எதிரான தொடரையும் இழந்ததுஇந்தியா–ஆஸ்திரேலியா அணிகள் இடையிலான 3–வது ஒருநாள் கிரிக்கெட் போட்டி மெல்போர்னில் நடைபெற்றது. போட்டியில் டாஸ் வென்ற ஆஸ்திரேலியா பந்துவீச்சை தேர்வு செய்தது. இதனையடுத்து முதலில்

மேலும்...

 ஷரபோவா பிரெஞ்ச் ஓபன் தொடரை கைப்பற்றினார்
பிரெஞ்ச் ஓபன் டென்னிஸ் தொடரின் ஒற்றையர் பிரிவு முதல் சுற்றில் ரஷ்யாவின் ஷரபோவா, ஜெர்மனியின் கெர்பர், ஆஸ்திரேலியாவின் சமந்தா ஸ்டோசர் உள்ளிட்டோர் வெற்றி பெற்றனர்.பிரான்ஸ் தலைநகர் பாரிசில், பிரெஞ்ச் ஓபன் கிராண்ட்ஸ்லாம் டென்னிஸ் தொடர் நடக்கிறது. இதன் பெண்கள் ஒற்றையர் பிரிவு

மேலும்...

 பாட்மின்டன் தரவரிசை : சாய்னா மீண்டும் நம்.1
 உலக பாட்மின்டன் தரவரிசையில் இந்திய வீராங்கனை செய்னா நேவல் மீண்டும் ‘நம்பர்–1’ இடத்துக்கு முன்னேறினார்.பாட்மின்டன் அரங்கில் சிறந்து விளங்கும் நட்சத்திரங்களுக்கான ‘ரேங்கிங்’ (தரவரிசை) பட்டியலை, சர்வதேச பாட்மின்டன் கூட்டமைப்பு (பி.டபிள்யு.எப்.,) நேற்று வெளியிட்டது. இதன் பெண்கள் ஒற்றையரில் இந்தியாவின் செய்னா 2வது

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match


















மகளிர்

























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in