கடனை கட்டாத விவசாயியை டிராக்டர் ஏற்றி கொலை செய்த நிதி நிறுவன ஏஜெண்ட்கள்

கடனை கட்டாத விவசாயியை டிராக்டர் ஏற்றி கொலை செய்த நிதி நிறுவன ஏஜெண்ட்கள்
உத்தரப்பிரதேச மாநிலம் சீதாபூரில் கடன் வாங்கிய பணத்தை திருப்பிச் செலுத்தாத விவசாயியை அவர் வைத்திருந்த டிராக்டரால் ஏற்றி தனியார் நிதி நிறுவன ஏஜென்டுகள் கொலை செய்த கொடூர சம்பவம் நடந்துள்ளது.

சீதாபூரைச் சேர்ந்தவர் கியான் சந்திரா(வயது45). இவருக்கு 5 மகள்கள் உள்ளனர். அதில் ஒரு மகள் வாய்பேச இயலாதவர்.


கியான் சந்திராவுக்கு 2.5 ஏக்கர் விவசாய நிலம் இருந்தது. இந்த நிலத்தில் உழவுப் பணிக்காக டிராக்டர் வாங்கமுடிவு செய்தார். இதற்காக தனியார் நிதி நிறுவனம் ஒன்றில் ரூ. 5லட்சம் கடனாக சில ஆண்டுகளுக்கு முன் வாங்கி இருந்தார்.

கியான் சந்திரா கடுமையாக தனது வயலில் உழைத்து ஏறக்குறைய ரூ.3.75 லட்சத்தை திருப்பிச் செலுத்திவிட்டார்.


இன்னும் கடனை அடைக்க ரூ.1.25 லட்சம் செலுத்த வேண்டியது இருந்தது. அதிலும் ரூ. 35 ஆயிரம் பணத்தை சில வாரங்களுக்கு முன்புதான் செலுத்தி இருந்தார்.


மீதத் தொகையை திருப்பிச் செலுத்த அவகாசம் கேட்டு இருந்தார். அதுவும் தாமதமானது.

இந்நிலையில் கடந்த சனிக்கிழமை கியான் சந்திரா தனது வயலில் டிராக்டரில் உழுது கொண்டு இருந்தார். அப்போது அங்கு வந்த தனியார் நிறுவன ஏஜெண்டுகள் 5 பேர் கியான் சந்திராவிடம் கடன் தொகையை கேட்டனர். அவர் விரைவில் கடனை செலுத்திவிடுவதாக தனியார் நிதிநிறுவன ஏஜென்டுகளிடம் தெரிவித்தார். ஆனால், அந்த ஏஜென்டுகள் டிராக்டரின் சாவியை கொடுக்குமாறு கோரி, அவரிடம் தகராறு செய்தனர்.

ஆனால், டிராக்டரை எடுத்துச் சென்றால் விவசாயம் பாதிக்கும் என்று கியான்சந்திரா அவர்களிடம் கேட்டுக்கொண்டார்.

ஆனால், அதற்கு மறுப்பு தெரிவித்த, அந்த ஏஜென்டுகள் கியான் சந்திராவை கீழே தள்ளி டிராக்டரை எடுத்தனர்.

அப்போது டிராக்டரை தடுக்க முயன்ற சந்திராவை ஏஜென்டுகள் கீழே தள்ளி அவர் மீது டிராக்டரை ஏற்றியதாகக் கூறப்படுகிறது.


இதில் சம்பவ இடத்திலேயே கியான் சந்திரா உயிரிழந்தார்.

இது குறித்து கியான் சந்திராவின் சகோதரர் ஓம் பிரகாஷ் கூறுகையில், " இந்த மாதம் 10ந்தேதி தான் ரூ.35 ஆயிரம் தனியார் நிதி நிறுவனத்திடம் கொடுத்து இருந்தோம்.

மீதத் தொகையை விரைவில் செலுத்திவிடுவதாக எனது சகோதரர் உறுதியளித்து இருந்தார்.

ஆனால், அவரின் வார்த்தைகளை நம்பாத நிதி நிறுவனத்தினர் அவர் வேலை செய்த நிலத்துக்கு வந்து டிராக்டரின் சாவியை பிடுங்கி டிராக்டரை எடுக்க முயன்றனர்.


அப்போது, டிராக்டரை தடுக்க எனது சகோதரர் முயன்றபோது, அவரை கீழே தள்ளி டிராக்டரை அவர் மீது ஏற்றினர். இதில் என் கண் முன்னே எனது சகோதரர் துடிதுடித்து இறந்தார்" என கண்ணீருடன் தெரிவித்தார்.

இது தொடர்பாக சீதாபூர் போலீஸார் கொலை வழக்கு பதிவு செய்துள்ளனர், ஆனால், இதுவரை யாரும் கைது செய்யப்படவில்லை.

 இது குறித்து சீதாபூர் போலீஸ் அதிகாரி எம்.பி. சிங் கூறுகையில் " தனியார் நிதி நிறுவன ஏஜென்டுகளுக்கும், விவசாயிக்கும் இடையே வாக்குவாதம் ஏற்பட்டுள்ளது.


அப்போது ஏஜென்டுகள் டிராக்டரை எடுத்துச் சென்றபோது, அதைத் தடுக்க முயன்ற கியான் சந்திராவை ஏஜென்டுகளில் ஒருவர் பிடித்து கீழே தள்ளியுள்ளார்.


அப்போது, டிராக்டர் சக்கரத்தில் சிக்கி அவர் உயிரிழந்தார். விரைவில் நிதி நிறுவன ஏஜென்டுகள் கைது செய்யப்படுவார்கள்" எனத் தெரிவித்தார்.
https://goo.gl/zwEzsH






19 Feb 2019

புல்வாமா தாக்குதலில் பலியான வீரரின் மகளைத் தத்தெடுத்த நெகிழவைத்த பிஹார் ஐஏஎஸ் அதிகாரி

19 Feb 2019

தேசவிரோத சட்டத்தில் 12-ம் வகுப்பு மாணவர் கைது - சமூக ஊடகங்களில் சர்ச்சைக் கருத்து

15 Feb 2019

பயங்கரவாதத்தை எதிர்ப்பதில் அரசுக்கு ஆதரவாக அனைவரும் ஒன்றிணைவோம் - ராகுல்காந்தி

15 Feb 2019

மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை

15 Feb 2019

காஷ்மீரில் 44 ராணுவ வீரர்கள் பலி- இதுவரை நடக்காத மிகப்பெரிய தாக்குதல்

06 Feb 2019

வருமான வரி கணக்கு தாக்கலுக்கு ஆதாருடன் ‘பான்’ எண்ணை இணைப்பது கட்டாயம் - உயர் நீதிமன்றம் உத்தரவு

02 Jan 2019

ரபேல் ஊழல் விவகாரத்தில் பிரதமரை காப்பாற்ற அதிமுக எம்பிக்கள் முயற்சி - ராகுல் பகிரங்க குற்றச்சாட்டு

24 Dec 2018

தலித் இளைஞரை திருமணம் செய்த மகளை எரித்துக்கொன்ற தந்தை கைது

21 Dec 2018

ரூ.50 லட்சம் கேட்டு கடத்தப்பட்ட 6 வயது சிறுவன் எரித்துக் கொலை

21 Dec 2018

15 வயது சிறுமி கற்பழிப்பு வழக்கில் பீகார் எம்.எல்.ஏ.வுக்கு ஆயுள் தண்டனை