கொலையாளியை காட்டிக்கொடுத்த ஃபேஸ்புக் செல்ஃபி தோழி கைது

கொலையாளியை காட்டிக்கொடுத்த ஃபேஸ்புக் செல்ஃபி  தோழி கைது

கனடா நாட்டைச் சேர்ந்த பெண் ஒருவர் அவரது தோழியைக் கொலை செய்ததை போலீஸார் அப்பெண்ணின் ஃபேஸ்புக்கில் இருந்த செல்ஃபியைக் கொண்டு உறுதி செய்துள்ளனர்.

செனி ரோஸ் ஆண்டனி (21) இவரது தோழி பிரிட்னி கார்கல் (18). ரோஸ் தனது தோழியை 2 வருடங்களுக்கு முன்னர் கொலை செய்துள்ளார்.

பிரிட்னி கார்கல் கொலையுண்டு கிடந்த இடத்தின் அருகே ஒரு பெல்ட் கிடந்தது. அதை போலீஸார் முக்கியமான தடயமாக கருதினர். கார்கல் கழுத்தை நெறித்துக் கொல்லப்பட்டது பிரேத பரிசோதனை அறிக்கையில் தெரிந்தது.

இந்த கொலை சம்பவம் தொடர்பாக விசாரணை நடந்துவந்தது. போலீஸாருக்கு பிரிட்னியின் தோழி ரோஸ் ஆண்டனி மீதும் சந்தேகம் இருந்தது.

இந்நிலையில், ஆண்டனியின் ஃபேஸ்புக் பக்கத்தை போலீஸார் சோதித்தபோது கார்கல் கொல்லப்பட்ட சில மணி நேரங்களுக்கு முன்னர் இருவரும் செல்ஃபி ஒன்று எடுத்துக்கொண்டு அதை ஃபேஸ்புக்கில் ரோஸ் பகிர்ந்திருந்தனர்.

அந்தப் படத்தில் ரோஸ் இடுப்பில் அணிந்திருந்த பெல்ட்டும் கார்கல் கொலையான இடத்தில் கிடந்த பெல்ட்டும் ஒரே மாதிரியாக இருந்தது. இந்த கோணத்தில் போலீஸார் விசாரணையைத் தொடர்ந்தனர். ரோஸ் தான் கொலையாளி என்பது உறுதியானது.

நீதிமன்றத்தில் ரோஸ், தனது குற்றத்தை ஒப்புக் கொண்டார். சம்பவம் நடந்த அன்று இருவரும் மது அருந்தியிருந்ததாகவும் வாய்த்தகராறு ஏற்பட்டதாகவும் கூறினார். பின்னர் ஆத்திரத்தில் கார்கலை கொலை செய்ததையும் ஒப்புக்கொண்டார்.

நீதிமன்றத்தில் குற்றத்தை ஒப்புக்கொண்டு பேசிய ரோஸ், "நானே என்னை மன்னிக்க மாட்டேன். நான் என்ன சொன்னாலும்; எதை செய்தாலும் அவளை திரும்பிக் கொண்டுவர முடியாது. என்னை மன்னித்து விடுங்கள். இது நடந்திருக்கவே கூடாது" எனக் கதறினார்.

குற்றத்தை ஒப்புக்கொண்ட ரோஸுக்கு 7 ஆண்டுகள் சிறை தண்டனை விதித்து நீதிமன்றம் உத்தரவிட்டுள்ளது.
https://goo.gl/V9R9Na






03 Aug 2018

1 டிரில்லியன் அமெரிக்க டாலர் வியாபார உலகில் புதிய உச்சம் தொட்டு சாதித்த ஆப்பிள்

11 Jul 2018

மருந்தில் வி‌ஷம் கலந்து 20 நோயாளிகளை கொன்ற செவிலியர்.

10 Jul 2018

தாய்லாந்து குகையிலிருந்து 13 பேரும் பத்திரமாக மீட்பு

06 Jul 2018

விடுதலைப்புலிகளுக்கு ஆதரவாக பேசிய இலங்கை பெண் அமைச்சர் ராஜினாமா

02 Jul 2018

குகைக்குள் சிக்கிய கால்பந்து அணி சிறுவர்கள் 9 நாட்களுக்கு பிறகு உயிருடன் மீட்பு

24 Jun 2018

சவுதி அரேபியாவில் கார் ஓட்ட பெண்களுக்கு விதிக்கப்பட்ட தடை நீங்கியது

19 Jun 2018

காரில் மேக்-அப் போட்டுக் கொண்டே சென்ற பெண்ணுக்கு நடந்த விபரிதம்

18 Jun 2018

டொனால்டு டிரம்பின் திட்டத்திற்கு அவருடைய மனைவி மெலானியா எதிர்ப்பு

29 May 2018

முன்னாள் காதலர்களுக்கு ஆந்தராக்ஸ் பவுடர் மிரட்டல் விடுத்த பெண்ணுக்கு 2 ஆண்டு தண்டனை

20 Apr 2018

டைம் இதழ் வெளியிட்ட செல்வாக்கு மிக்க 100 பேர் பட்டியலில் வீராட் கோலி - தீபிகா படுகோனே