tamilkurinji logo


 

சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது,tamil news india news tamil seithigal india seithigal tamil cinema news

tamil,news,india,news, tamil,seithigal,india,seithigal,,tamil,cinema,news




செய்திகள் >>> தமிழகம்

சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது

First Published : Wednesday , 7th February 2018 07:09:04 PM
Last Updated : Wednesday , 7th February 2018 07:09:04 PM


சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது,tamil news india news 
tamil seithigal india seithigal  tamil cinema news

சென்னையின் பிரபல தாதா தனது பிறந்த நாளை பூந்தமல்லியில் கோலாகலமாக கொண்டாட அதில் கலந்துகொண்ட ரவுடிகளை சினிமா பாணியில் போலீஸார் சுற்றிவளைத்து கைது செய்தனர். பயங்கர ஆயுதங்களும் கைப்பற்றப்பட்டன.

சென்னை பள்ளிக்கரணை பகுதியில் நேற்று மாலை ரவுடிகள் கண்காணிப்பு பிரிவு போலீஸார் வாகன சோதனையில் ஈடுபட்டிருந்தனர். அப்போது அவ்வழியே தாம்பரத்தில் இருந்து அதிவேகத்தில் வந்த மோட்டார் சைக்கிளை நிறுத்தி விசாரணை நடத்தினர். விசாரணையில் அந்த நபர் தேடப்படும் குற்றவாளியான மதன் (எ) பல்லு மதன் என தெரிய வந்தது. அவரிடம் பயங்கர ஆயுதங்களும் இருந்தன.

.
மதனிடம் போலீஸார் நடத்திய விசாரணையில் பூந்தமல்லி அருகே மலையம்பாக்கம் என்ற இடத்தில் பண்ணை வீட்டில் நடக்கும் தங்களின் நண்பர் பினுவின் பிறந்த நாள் விழாவுக்குச் செல்வதாகக் கூறியுள்ளனர். சூளைமேடு பகுதியைச் சேர்ந்த பினு பிரபல தாதா ஆவார்.

சென்னையின் முக்கிய விஐபியின் பலத்தில் போலீஸார் நெருங்க முடியாத அளவுக்கு சக்தி வாய்ந்தவராக இருந்தவர். பல குற்ற வழக்குகள் சம்பந்தப்பட்ட பினுவின் கீழ் பெரிய ரவுடிகள் பட்டாளமே உள்ளது. ஏற்கெனவே தேடப்படும் குற்றவாளியாக பினு அறிவிக்கப்பட்டுள்ளார்.

இதையடுத்து ரவுடிகள் கண்காணிப்புப் பிரிவு போலீஸார் பிடிபட்ட பல்லு மதனை காவல் ஆய்வாளர் சிவக்குமாரிடம் ஒப்படைத்தனர். தாதா பினு நடத்தும் பிறந்த நாள் கொண்டாட்டம் மற்றும் நூற்றுக்கணக்கான ரவுடிகள் அங்கு ஒன்று கூடுவதையும் அம்பத்தூர் துணை ஆணையாளர் சர்வேஸ்ராஜூக்கு ரகசியமாக தகவல் தெரிவித்தனர்.

இதையடுத்து சர்வேஸ்ராஜ் மேலதிகாரி இணை ஆணையர் சந்தோஷ்குமாருக்கு அளித்த தகவலை அடுத்து ஆணையர் ஏ.கே.விஸ்வநாதன் கவனத்துக்கு ரவுடிகள் ஒன்று கூடும் திட்டம் கொண்டு செல்லப்பட்டது.

ஆணையர் உத்தரவுப்படி ரகசிய திட்டம் ஒன்று வகுக்கப்பட்டது. மாங்காடு, குன்றத்தூர், பூவிருந்தவல்லி, நசரத்பேட்டை, போரூர் மற்றும் எஸ்ஆர்எம்சி காவல் நிலையங்களில் உள்ள காவலர்களை உஷார்படுத்தப்பட்டு 60-க்கும் மேற்பட்ட போலீஸார் வாடகை வாகனங்களில் மலையம்பாக்கம் பகுதியைச் சுற்றி வளைத்தனர்.

ஒரே இடத்தில் 120-க்கும் மேற்பட்ட ரவுடிகள் கூடியிருந்ததைக் கண்ட காவலர்கள், பண்ணை வீட்டில் அதிரடியாக நுழைந்தனர். இதனை கண்ட 50-க்கும் மேற்பட்ட ரவுடிகள் அங்கிருந்து தப்பி ஓடினர். தப்பி ஓட முயன்ற 72 ரவுடிகளை போலீஸார் துப்பாக்கி முனையில் பிடித்தனர். பிடிபட்ட ரவுடிகளிடம் இருந்து வீச்சரிவாள், அரிவாள், கத்தி உள்ளிட்ட ஆயுதங்கள் கைப்பற்றப்பட்டுள்ளன.

ரவுடிகள் பயன்படுத்திய அங்கிருந்த 8 கார்கள், 38 இருசக்கர வாகனங்களையும் போலீஸார் பறிமுதல் செய்தனர். தப்பி ஓடிய ரவுடிகளை தேடும் பணியில் மூன்று தனிப்படைகள் அமைக்கப்பட்டுள்ளன. சிக்கிய ரவுடிகளிடம் போலீஸார் தொடர்ந்து விசாரணை நடத்தி வருகின்றனர்

.
சிக்கிய பலரும் சென்னையில் உள்ள பல்வேறு காவல் நிலையங்களில் வழக்குகளில் தொடர்புடைய முக்கிய குற்றவாளிகள் ஆவர்.72 ரவுடிகள் கைதான சம்பவத்தில் 10 பேர் கொலை வழக்குகளில் தொடர்புடையவர்கள் என துணை ஆணையர் தகவல் தெரிவித்துள்ளார். கைது செய்யப்பட்ட ரவுடிகளில் மாதவரத்தைச் சேர்ந்த போலி வழக்கறிஞர் சரவணனும் ஒருவர்.

கல்லூரி மாணவர்கள் உள்பட 72 பேரை சிறையில் அடைக்க நடவடிக்கை எடுக்கப்பட்டுள்ளதாக துணை ஆணையர் சர்வேஷ் ராஜ் கூறியுள்ளார். 72-க்கும் மேற்பட்ட குற்றவாளிகள், மற்றும் ரவுடிகள் ஒரே நேரத்தில் சிக்கியிருப்பது காவல்துறை வட்டாரத்தில் பரபரப்பை ஏற்படுத்தியுள்ளது.

ஜிகர்தண்டா படம் பாணியில் அரிவாளால் கேக் வெட்டி கொண்டாடிய தாதா

போலீஸார் சுற்றி வளைத்ததில் முக்கிய குற்றவாளியான தாதா பினு உள்ளிட்ட கூட்டாளிகள் தப்பி ஓடிவிட்டனர். பின்னர் போலீஸார் ரவுடிகளை கைது செய்து அவர்கள் செல்போனை ஆய்வு செய்ததில் தாதா பினுவின் பிறந்த நாள் கொண்டாட்டப் படம் சிக்கியது. அதில் தாதா பினு அரிவாளால் கேக் வெட்டி கொண்டாடுவதும், உடன் முக்கிய ரவுடிகள் இருப்பதும் பதிவாகியுள்ளது.

ரவுடிகள் சிக்கியது எப்படி என இணை ஆணையர் சந்தோஷ்குமார் பேட்டி அளித்தார். அப்போது அவர் கூறியதாவது:

''எல்லா ரவுடிகளும் ஒன்றுகூடி பிறந்த நாள் கொண்டாட உள்ளதாக தகவல் கிடைத்தது. இதையடுத்து ரகசியத் திட்டம் தீட்டி சுற்றிவளைக்க திட்டமிட்டோம். கொஞ்சம் கூட தகவல் கசிந்துவிடக்கூடாது என்பதில் உறுதியாக இருந்தோம். மலையம்பாக்கம் மக்கள் போலீஸாருக்கு பெரிதும் உதவினர்.

உதவி ஆணையர் தலைமையில் 10 காவல் ஆய்வாளர்கள், 15 உதவி ஆய்வாளர்கள், 40-க்கும் மேற்பட்ட காவலர்கள் சென்றனர். துப்பாக்கி முனையில் 75 ரவுடிகளையும் சுற்றி வளைத்தோம். போலீஸ் வாகனத்தில் சென்றால் ரவுடிகள் உஷாராகி ஓடிவிடுவார்கள் என்பதால் தனியார் வாகனத்தில் சென்றோம்.'' இவ்வாறு இணை ஆணையர் சந்தோஷ்குமார் தெரிவித்தார்.

சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது,tamil news india news 
tamil seithigal india seithigal  tamil cinema news
சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது,tamil news india news 
tamil seithigal india seithigal  tamil cinema news
சினிமா பாணியில் பிறந்தநாள் விழா கொண்டாடிய 67-க்கும் மேற்பட்ட ரவுடிகள் துப்பாக்கி முனையில் கைது,tamil news india news 
tamil seithigal india seithigal  tamil cinema news
Potato Capsicum Green Peas Curry சென்னை காரக்குழம்பு Kathirikai varuval
 அத்தை மகளை காதலித்த 15 வயது சிறுவன் கண்டித்த அத்தை கொலை
13 வயது அத்தை மகளைக் காதலித்த 15 வயது சிறுவன், காதலைக் கண்டித்த அத்தையைக் கொன்று தற்கொலை போன்று சித்தரித்து தப்பினார். போலீஸார் 4 நாட்களுக்குப் பின் சிறுவனைக் கைது செய்தனர்.சென்னை அமைந்தகரை வள்ளலார் தெருவில் வசிப்பவர் சங்கரசுப்பு (43). இவரது

மேலும்...

 சிலை கடத்தல் வழக்கு ; தமிழக அரசு திருடர்களைக் காப்பாற்ற முயற்சிக்கிறதா?- விஜயகாந்த் கண்டனம்
தமிழக அரசு சிலை கடத்தல் வழக்கை சிபிஐக்கு மாற்றியதற்கு தேமுதிக தலைவர் விஜயகாந்த் கண்டனம் தெரிவித்துள்ளார்.இதுதொடர்பாக விஜயகாந்த் வெள்ளிக்கிழமை வெளியிட்ட அறிக்கையில், “தமிழகத்தில் பல ஆண்டுகளாக கோயில் சிலைகளும், விலை உயர்ந்த பொருட்களும் கொள்ளையடிக்கப்பட்டு இருப்பதை விசாரிப்பதற்காக சிலை கடத்தல் தடுப்பு

மேலும்...

 திமுக நிர்வாகி தாக்குதல் நடத்திய பிரியாணி ஹோட்டலுக்கு நேரில் சென்று ஆறுதல் கூறிய மு.க.ஸ்டாலின்
திமுக நிர்வாகி தாக்குதல் நடத்திய பிரியாணி ஹோட்டலுக்கு நேரில் சென்று ஆறுதல்  கூறிய மு.க.ஸ்டாலின்தாக்குதலுக்குள்ளான விருகம்பாக்கம் பிரியாணி கடைக்கு தி.மு.க செயல் தலைவர் மு.க.ஸ்டாலின் சென்று ஊழியர்களிடம் நலம் விசாரித்தார்.சென்னை விருகம்பாக்கத்தில் பிரியாணி கடை நடத்தி வருபவர் தமிழ்ச்செல்வன். இவரது தம்பி

மேலும்...

 சென்னையில் பெண்கள் மட்டுமே நிர்வகிக்கும் மெட்ரோ ரயில் நிலையங்கள்
 சென்னையில் ஷெனாய் நகர், கோயம்பேடு ஆகிய 2 மெட்ரோ ரயில் நிலையங்களிலும் டிக்கெட் கொடுப்பது, கண்காணிப்பு, துப்புரவு உள்ளிட்ட அனைத்து பணிகளிலும் முழுக்க பெண்கள் மட்டுமே ஈடுபடுத்தப்பட்டுள்ளனர்.இதுதொடர்பாக சென்னை மெட்ரோ ரயில் நிறுவனம் நேற்று வெளியிட்டுள்ள செய்திக்குறிப்பு:பெண்களுக்கு அதிக முக்கியத் துவம்

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match


















மகளிர்

























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in