போலீஸ் துன்புறுத்தலால் தீக்குளித்த வாடகைக் கார் ஓட்டுநர் மணிகண்டன்(22) நிலை கவலைக்கிடமாக உள்ளது. 59 சதவிகித தீக்காயங்களுடன் மருத்துவமனையில் அனுமதிக்கப்பட்டுள்ள மணிகன்டனுக்கு சிகிச்சையளிக்கப்பட்டு வருகிறது.

போலீஸ் தாக்கியதில் இளைஞர் தீக்குளித்ததை அடுத்து பொதுமக்கள் மறியலில் ஈடுபட்டுள்ளனர்.


தாக்குதல் நடத்திய போலீஸ் மீது நடவடிக்கை எடுக்கக்கோரி ஓஎம்ஆர் சாலையில் போராட்டம் நடத்திவருகின்றனர் பொதுமக்கள் போராட்டட்டதால் ஓஎம்ஆர் சாலையில் போக்குவரத்து முடங்கியது.

சென்னை ஓஎம்ஆர் சாலையில் ஓட்டுநரை தாக்கியவர்  ஆய்வாளர் விஜயகுமார் என்று புகார் தெரிவிக்கப்பட்டுள்ளது.



சீட் பெல்ட் அணியாததால் மணிகண்டனை சாலையோரம் உள்ள போலீஸ் சாவடிக்கு இழுத்து சென்று இளைஞரை ஆய்வாளர் தாக்கியதாக பொதுமக்கள் புகார் தெரிவித்தனர்.


மேலும் மணிகண்டனின் செல்போனை பிடிங்கி வைத்து கொண்டதாகவும், இரும்பு கம்பியால் தாக்கியதாகவும் ஆய்வாளர் மீது புகார் தெரிவிக்கப்பட்டுள்ளது.

உடல் கருகிய நிலையில் மீட்கப்பட்ட இளைஞரை சிகிச்சைக்காக கீழ்ப்பாக்கம் மருத்துவமனைக்கு கொண்டு சென்றனர்.


இதுகுறித்து பேசிய மருத்துவமனை டீன் வசந்தாமணி, தீக்குளித்த கார் ஓட்டுநர் மணிகண்டன் 59% தீக்காயங்களுடன் அனுமதிக்கப்பட்டுள்ளார் என்று கூறியுள்ளார்.


மேலும் அவருக்கு தீவிர சிகிச்சை அளிக்கப்பட்டு வருவதாக தெரிவித்துள்ளார்.

தீக்குளித்த இளைஞர் உடல்நிலை குறித்து காவல் ஆணையர் நேரில் விசாரணை மேற்கொண்டார். சென்னை கீழ்பாக்கம் அரசு மருத்துவமனைக்கு சென்று ஆணையர் விஸ்வநாதன் நேரில் விசாரணை நடத்தினார்.


தவறு செய்தவர்கள் மீது கடும் நடவடிக்கை எடுக்கப்படும் என்று காவல் ஆணையர் விஸ்வநாதன் தெரிவித்துள்ளார்.

https://goo.gl/FyUNG2