மக்களுக்கு அமைதியையும், எல்லையில் பாதுகாப்பையும் உறுதி செய்வது அரசின் கடமை: பிரதமர் மோடி

மக்களுக்கு அமைதியையும், எல்லையில் பாதுகாப்பையும் உறுதி செய்வது அரசின் கடமை: பிரதமர் மோடி
நாட்டு மக்களுக்கு அமைதியையும், எல்லையில் பாதுகாப்பையும் வழங்குதற்கு அரசு கடமைப்பட்டுள்ளது. அதற்காக ராணுவம், பாதுகாப்பு பிரிவினருக்கு தேவையான கருவிகளை மேம்படுத்துவது அவசியமாகும் என்று பிரதமர் நரேந்திர மோடி பேசினார்.

காஞ்சிபுரம் மாவட்டத்தில் கிழக்கு கடற்கரையோரம் அமைந்துள்ள திருவிடந்தையில் பாதுகாப்புத் துறை சார்பில் ‘டெபெக்ஸ்போ-2018’ என்ற ராணுவத் தளவாட கண்காட்சி நடைபெற்று வருகிறது. இம்மாதம் 11-ம் தேதி தொடங்கிய கண்காட்சி 14-ம் தேதிவரை நடக்கிறது.

ஏறக்குறைய ரூ.800 கோடி செலவில் கடந்த 2 மாதங்களாக இந்த கண்காட்சிக்கான ஏற்பாடுகளை மத்திய பாதுகாப்பு துறை அமைச்சகம் செய்து இருக்கிறது. இந்த கண்காட்சியில் அமெரிக்கா, ரஷியா, ஜப்பான் உள்ளிட்ட 47 நாடுகளைச் சேர்ந்த பிரதிநிதிகள், அவர்களின் ஆயுதங்கள், தளவாடங்கள், கண்டுபிடிப்புகள் காட்சிக்காக வைக்கப்பட்டுள்ளன.

இந்தக் கண்காட்சியை முறைப் படி தொடங்கி வைத்து பார்வையிடுதற்காக பிரதமர் நரேந்திர மோடி இன்று காலை தனி விமானம் சென்னை வந்தார்.

சென்னை விமான நிலையத்தில் அவரை ஆளுநர் பன்வாரிலால் புரோஹித், முதல்வர் கே.பழனிசாமி, பாஜக பிரமுகர்கள் உள்ளிட்டோர் வரவேற்றனர்.


பின்னர் 9.25 மணிக்கு ராணுவ ஹெலிகாப்டரில் மாமல்லபுரம் சென்று, அங்கிருந்து கார் மூலம் ராணுவக் கண்காட்சி நடக்கும் திருவிடந்தைக்கு 9.50 மணிக்கு பிரதமர் சென்றார்.

திருவிடந்தையில் ராணுவக் கண்காட்சியை பிரதமர் மோடி தொடங்கி வைத்தார். அதன்பின் நிகழ்ச்சியில் அவர் பேசியதாவது:

‘‘பாதுகாப்பு துறைக்கான தளவாடங்களை தயாரிக்கும் உள்நாட்டு நிறுவனங்களின் வளர்ச்சியை ஊக்கப்படுத்துவதற்காக, பாதுகாப்பு துறையில் ஆயுதக் கொள்முதல் நடைமுறையில் பல குறிப்பிட்ட விதிகளில் மத்தியில் ஆளும்பாஜக அரசு திருத்தம் கொண்டு வந்திருக்கிறது.

நாட்டு மக்களுக்கு அமைதியையும், எல்லையில் பாதுகாப்பையும் உறுதி செய்வது என்பது அரசின் கடமையாகும். இதற்காக நம்முடைய பாதுகாப்பு, ராணுவத்தின் மேம்படுத்த தேவையான அத்தியாவசிய நடவடிக்கைகளை எடுக்க தயாராக இருக்கிறோம். குறிப்பாக, உள்நாட்டில் ராணுவத்தளவாடங்களை தாயாரிக்கும் துறையை மேம்படுத்த இருக்கிறோம்.

கடந்த 2014ம் ஆண்டு மே மாதத்தில் பாதுகாப்பு துறையில் 118 பொருட்களுக்கு ஏற்றுமதி அனுமதி தரப்பட்டு இருந்தது. இதன் ஒட்டுமொத்த மதிப்பு ரூ.3642 கோடியாகும். ஆனால், நாங்கள் ஆட்சிக்கு வந்ததில் இருந்து 794 பொருட்களுக்கு ஏற்றுமதி அனுமதி அளித்துள்ளோம். இதன் ஒட்டுமொத்த மதிப்பு ரூ.8500 கோடியாகும்.

கடந்த கால ஆட்சியில், முறையான கொள்கைகள் வகுக்கப்படாத காரணத்தால், பாதுகாப்பு துறையில் முக்கிய சிக்கல்கள் இருந்தன. இதுபோன்ற காலதாமதம்,சர்வதேச நிறுவனங்களுடன் போட்டியிடக்கூடிய திறமையின்மை, பல்வேறு உள்நோக்கங்கள் இருப்பதை கண்டறிந்தோம்.

இவை நாட்டுக்கு பாதிப்பை ஏற்படுத்தும் என்பதையும் உணர்ந்து அதை நீக்க நடவடிக்கை எடுத்தோம். அதுபோன்ற குறைகள் இருக்க இப்போது, எதுவும் இல்லை, மீண்டும் ஒருபோதும் நடக்காது’  இவ்வாறு பிரதமர் மோடி பேசினார்.
https://goo.gl/FNRQMk






17 Mar 2019

2019 மக்களவைத் தேர்தல்: மத்திய சென்னையில் தயாநிதி மாறன்; தூத்துக்குடியில் கனிமொழி போட்டி- திமுக வேட்பாளர் பட்டியல் அறிவிப்பு

06 Mar 2019

தேமுதிகவுக்கு கைவிரித்த திமுக: இடமில்லை என துரைமுருகன் பேட்டி

06 Mar 2019

சென்னை சென்ட்ரல் ரயில்நிலையத்துக்கு எம்ஜிஆர் பெயர்: பிரதமர் மோடி அறிவிப்பு

19 Feb 2019

குடும்ப பிரச்சினை காரணமாக இரு மகன்களை கொன்று தாய் தற்கொலை

19 Feb 2019

அ.தி.மு.க.வுடன் கூட்டணி உடன்பாடுபா.ம.க.வுக்கு 7; பா.ஜனதாவுக்கு 5 தொகுதிகள்தே.மு.தி.க.வுடன் இழுபறி

06 Feb 2019

குப்பைமேட்டில் கிடைத்த பெண்ணின் கை, கால்கள் அடையாளம் தெரிந்தது: திரைப்பட இயக்குநரான கணவர் கைது

03 Jan 2019

கருணாநிதியின் அழகு தமிழுக்கு மயங்காதவர் யாரும் இல்லை; சட்டப்பேரவையில் இரங்கல் தீர்மானம் வாசிப்பு

02 Jan 2019

கூலிப்படை உதவியுடன் மகனை கொன்ற கள்ளக்காதலனை தீர்த்து கட்டிய பெண்

30 Dec 2018

சென்னையில் 15 ஆண்டுகளுக்குப்பின் மழையளவு 55 சதவீதம் குறைவு: கடும் குடிநீர் தட்டுப்பாடு அபாயம்

30 Dec 2018

அரசு நிர்வாகம் முற்றிலும் நிலை குலைந்துள்ளதற்கு எச்.ஐ.வி. ரத்த விவகாரமே சாட்சி - ஸ்டாலின்