மனைவி இறுதி சடங்கில் உயிரை விட்ட கணவர்

மனைவி இறுதி சடங்கில் உயிரை விட்ட கணவர்
நீலகிரி மாவட்டம் குன்னூர் காட்டேரி பூங்கா குடியிருப்பு பகுதியை சேர்ந்தவர் பொன்னுசாமி (வயது 75). இவரது மனைவி பார்வதி (74).

 இவர்களுக்கு இந்திராணி (45) என்ற மகளும், பன்னீர் (40) என்ற மகனும் உள்ளனர். மகளுக்கு திருமணம் முடிந்து ஈரோட்டில் வசித்து வருகிறார். மகன் குன்னூர் மார்க்கெட் கடையில் வேலை செய்து வருகிறார்.

முதியவர் பொன்னுசாமியும் அவரது மனைவி பார்வதியும் தோட்டக்கலை துறையில் பணியாற்றி ஓய்வு பெற்றவர்கள்.

கடந்த சில நாட்களாக பார்வதிக்கு உடல்நலம் பாதிக் கப்பட்டது. சிகிச்சைக்காக மனைவியை பல ஆஸ்பத்திரிக்கு பொன்னுசாமி அழைத்துச்சென்றார். ஆனால் சிகிச்சை பலனின்றி நேற்று காலை அவரது வீட்டில் இறந்தார்.

மனைவி இறந்த துக்கம் தாங்காமல் பொன்னுசாமி கதறி அழுதார். அவருக்கு உறவினர்கள் ஆறுதல் கூறினர். இருந்தாலும் அவர் அதிர்ச்சியிலேயே இருந்தார்.

உடலை அடக்கம் செய்ய இறுதி சடங்கு நடந்தது. அப்போது பொன்னுசாமி மனைவியின் உடல் அருகே வந்து அமர்ந்தார். மனைவியின் உடலை பார்த்து மீண்டும் கதறி அழுதார்.

பின்னர் திடீரென நெஞ்சை பிடித்தவாறு மயங்கி விழுந்து அவரும் உயிரிழந்தார். மனைவியின் இறுதி சடங்கில் கணவர் இறந்த சம்பவம் உறவினர்கள், நண்பர்களிடையே பெரும் அதிர்ச்சியையும், சோகத்தையும் ஏற்படுத்தியது.

இது குறித்து அந்த பகுதியை சேர்ந்தவர்கள் கூறும்போது, எங்கு சென்றாலும் இருவரும் ஒன்றாகத்தான் செல்வார்கள்.

சத்தம்போட்டு கூட பேசமாட்டார்கள். மிகவும் மென்மையாக பழகக்கூடியவர்கள்.

மனைவிக்கு உடல்நலம் பாதிக்கப்பட்டதில் இருந்தே பொன்னுசாமி சோகத்தில் இருந்தார்.

மனைவி இறந்த துக்கம் தாங்காமல் இறுதி சடங்கின்போது கணவரும் இறந்து விட்டார். சாவிலும் இணைய பிரியாமல் சென்று விட்டனர் என்று கண்கலங்கியவாறு கூறினர்.


பின்னர் இருவரது உடல்களும் ஒரே இடத்தில் அடக்கம் செய்யப்பட்டன. இந்த சம்பவம் அந்த பகுதியில் பெரும் சோகத்தை ஏற்படுத்தியது
https://goo.gl/Tpnkfb






19 Feb 2019

குடும்ப பிரச்சினை காரணமாக இரு மகன்களை கொன்று தாய் தற்கொலை

19 Feb 2019

அ.தி.மு.க.வுடன் கூட்டணி உடன்பாடுபா.ம.க.வுக்கு 7; பா.ஜனதாவுக்கு 5 தொகுதிகள்தே.மு.தி.க.வுடன் இழுபறி

06 Feb 2019

குப்பைமேட்டில் கிடைத்த பெண்ணின் கை, கால்கள் அடையாளம் தெரிந்தது: திரைப்பட இயக்குநரான கணவர் கைது

03 Jan 2019

கருணாநிதியின் அழகு தமிழுக்கு மயங்காதவர் யாரும் இல்லை; சட்டப்பேரவையில் இரங்கல் தீர்மானம் வாசிப்பு

02 Jan 2019

கூலிப்படை உதவியுடன் மகனை கொன்ற கள்ளக்காதலனை தீர்த்து கட்டிய பெண்

30 Dec 2018

சென்னையில் 15 ஆண்டுகளுக்குப்பின் மழையளவு 55 சதவீதம் குறைவு: கடும் குடிநீர் தட்டுப்பாடு அபாயம்

30 Dec 2018

அரசு நிர்வாகம் முற்றிலும் நிலை குலைந்துள்ளதற்கு எச்.ஐ.வி. ரத்த விவகாரமே சாட்சி - ஸ்டாலின்

27 Dec 2018

பொங்கல் பண்டிகைக்கு தமிழகம் முழுவதும் 24,708 சிறப்பு பேருந்துகளை இயக்க திட்டம் - அமைச்சர் விஜயபாஸ்கர்

27 Dec 2018

12-ம் வகுப்பு பொதுத்தேர்வில் முக்கிய பாடங்களின் தேர்வு நேரத்தில் அரைமணி நேரம் குறைப்பு

25 Dec 2018

குற்றவாளிகளை சுட்டுக் கொல்லும்படி ஆவேசமாக பேசிய முதல் அமைச்சர் குமாரசாமி