21 குண்டுகள் முழங்க முழு அரசு மரியாதையுடன் வாஜ்பாய் உடல் தகனம்

21 குண்டுகள் முழங்க முழு அரசு மரியாதையுடன் வாஜ்பாய் உடல் தகனம்
பா.ஜ.க கட்சியின் பிதாமகனும், இந்தியாவின் மிக மூத்த அரசியல் தலைவருமான அடல் பிகாரி வாஜ்பாய் தனது 93-வது வயதில் டெல்லி எய்ம்ஸ் மருத்துவமனையில் நேற்று (ஆக.16) காலமானார். மிகச்சிறந்த பேச்சாளரும், கவிஞரும், மாபெரும் அரசியல் தலைவருமான இவரது மறைவுக்கு இந்திய நாடு முழுவதும் துக்கம் அனுசரிக்கப்பட்டுள்ளது.

கிருஷ்ணா மேனன் பார்க் வீட்டில் வைக்கப்பட்டுள்ள வாஜ்பாய் உடலுக்கு பிரதமர் மோடி, பாஜக தேசிய தலைவர் அமித் ஷா, மத்திய மந்திரிகள் ராஜ்நாத் சிங், சுஷ்மா ஸ்வராஜ் ஆகியோர் மலர்வளையம் வைத்து மரியாதை செலுத்தினர். 

திமுக செயல் தலைவர் மு.க.ஸ்டாலின், மாநிலங்களவை உறுப்பினர் கனிமொழி இருவரும் வாஜ்பாய் உடலுக்கு மலர்வளையம் வைத்து அஞ்சலி செலுத்தினர். இன்று காலை , வாஜ்பாய் உடலுக்கு தமிழக முதல் அமைச்சர் பழனிசாமி, துணை முதல் அமைச்சர் ஓ பன்னீர் செல்வம், மக்களவை சபாநாயகர் தம்பிதுரை அமைச்சர் ஜெயக்குமார் ஆகியோர் மலர் வளையம் வைத்து அஞ்சலி செலுத்தினர்.

இன்று காலை 9-30 மணிக்கு வாஜ்பாய்  அங்கிருந்து,  அலங்கரிக்கப்பட்ட ராணுவ ஊர்தியில் டெல்லி தீன்தயாள் உபாத்யாய் மார்க் பகுதியில் உள்ள பாரதீய ஜனதா தலைமை அலுவலகத்துக்கு கொண்டு செல்லப்பட்டது. 9-30 மணிக்கு புறபட்ட  ஊர்தி பாரதீய ஜனதா அலுவலகத்திற்கு 11.00 மணிக்கு வந்து சேர்ந்தது.  அங்கு  வாஜ்பாய் உடல் அஞ்சலிக்காக வைக்கப்பட்டுள்ளது.

அங்கு பிரதமர் மோடி, பாரதீய ஜனதா தலைவர் அமித்ஷா, மத்திய மந்திரி ராஜ்நாத் சிங்  உத்தர பிரதேச முதல்வர் யோகி ஆதித்யநாத் உள்பட  பாரதீய ஜனதா தலைவர்கள் அஞ்சலி செலுத்தினர் .

பாஜக தலைமை அலுவலகத்தில் உள்ள முன்னாள் பிரதமர் வாஜ்பாய் உடலுக்கு, பூடான் மன்னர் ஜிக்மே கேஷர் நம்கேல் வாங்சுக் அஞ்சலி செலுத்தினார்.

அங்கு அஞ்சலி செலுத்தும் நிகழ்ச்சி முடிந்ததும்,  இறுதி ஊர்வலத்திற்கான பணிகள் நடைபெற்றது. 1.45 மணிக்கு மேல்  வாஜ்பாயின் இறுதி ஊர்வலம் தொடங்கியது.

தேசிய கொடி போர்த்தப்பட்ட வாஜ்பாய் உடல், அலங்கரிக்கப்பட்ட ராணுவ வாகனத்தில், பாஜக அலுவலகத்திலிருந்து ஊர்வலமாக யமுனை நதி தீரத்தில் அமைந்துள்ள, ராஜ்காட்-விஜய்காட் பகுதிக்கு கிளம்பியது. எந்த கட்சிக்காக இடையறாது உழைத்தாரோ அந்த கட்சி அலுவலகத்தில் இருந்து பிரியாவிடை பெற்றார் வாஜ்பாய்.

பாஜக அலுவலகம் மற்றும், ராஷ்டிரிய ஸ்மிருதி ஸ்தலம் நடுவேயான தூரம், 4 கி.மீயாகும். இருப்பினும், வாஜ்பாய் உடல் செல்லும் வாகனத்தின் அருகே, பிரதமர் நரேந்திர மோடி நடந்தபடியே, சென்றார். பாஜக தேசிய தலைவர் அமித்ஷாவும் அவருடன் நடந்து சென்றார். தங்கள் தலைவர் வாஜ்பாய் மீது வைத்திருந்த அளப்பறிய மரியாதை காரணமாக, காரை தவிர்த்துவிட்டு, தொண்டர்களோடு, வாஜ்பாயுடன் மோடியும், அமித்ஷாவும் நடந்து சென்றனர்.

மாலை 4 மணியளவில், விஜய்காட்-ராஜ்காட் பகுதியில் பெரிய தலைவர்கள் இறுதி சடங்கு செய்ய உருவாக்கப்பட்டுள்ள ராஷ்டிரிய ஸ்மிருதி ஸ்தலம் பகுதிக்கு வாஜ்பாய் உடல் வந்து சேர்ந்தது. வாஜ்பாய்க்கு இறுதி சடங்குகள் தொடங்கின.  பூடான் நாட்டு மன்னர் உள்ளிட்ட வெளிநாட்டு முக்கிய தலைவர்கள்  இறுதி அஞ்சலி நிகழ்வில் பங்கேற்கிறார்கள்.

முன்னாள் பிரதமர் வாஜ்பாய்க்கு அஞ்சலி செலுத்திய பிரதமர் மோடி, அவரது இறுதிச்சடங்கில் கண்ணீர்விட்டு அழுதார். வாஜ்பாய் உடலை பார்த்து பிரதமர் மோடி கண்ணீர் விட்டார்.

முன்னாள் பிரதமர் வாஜ்பாயின் உடலுக்கு குடியரசுத் தலைவர் ராம்நாத் கோவிந்த் மலர் வளையம் வைத்து இறுதி அஞ்சலி
தொடர்ந்து  பிரதமர் மோடி, ராகுல்காந்தி, பூடான் மன்னர் ஜிக்மே வாங்க்சு,  பூடான் மன்னர் ஜிக்மே கேஷர் நம்கேல்,ஆப்கானிஸ்தான் முன்னாள் அதிபர் அமித் கர்சாய் . வங்கதேச அமைச்சர் அபுல் ஹாசன் மகமூத் அலி, இலங்கை அமைச்சர் லட்சுமண் கிரியல்லா  அத்வானி, அமித்ஷா , முன்னள் பிரதமர் மன்மோகன் சிங், மத்திய அமைச்சர் நிர்மலா சீதாராமன் ஆகியோர் இறுதி அஞ்சலி செலுத்தினர். மறைந்த முன்னாள் பிரதமர் வாஜ்பாயின் உடலுக்கு முப்படை வீரர்கள் இறுதி மரியாதை செலுத்தினர்.

முன்னாள் பிரதமர் வாஜ்பாயின் உடலில் போர்த்தப்பட்டிருந்த தேசியக் கொடி, அவரது பேத்தி  நிகர்க்காவிடம்  வழங்கப்பட்டது.  உறவினர்கள்  இறுதிச்சடங்கு நடத்தினர். வேத மந்திரங்கள் ஓதி அவருக்கு இறுதி சடங்கு நடத்தப்பட்டது.

பின்னர் தகன மேடையில் அவரது உடல் வைக்கப்பட்டது.   முழு அரசு மரியாதையுடன் தகனம் செய்யபட்டது.  முன்னதாக முன்னாள் பிரதமர் வாஜ்பாய் உடலுக்கு 21 குண்டுகள் முழங்க ராணுவ மரியாதை செலுத்தப்பட்டது.
https://goo.gl/dTCLUc






27 Feb 2019

போர் பதற்றம்- காஷ்மீரில் பள்ளிகள், விமான நிலையங்கள் மூடல்

27 Feb 2019

பாகிஸ்தானின் போர் விமானத்தை சுட்டு வீழ்த்தியது இந்திய ராணுவம்- எல்லையில் தொடரும் பதற்றம்

26 Feb 2019

இந்திய எல்லைப் பகுதியில் உஷார் நிலையில் இருக்க பாதுகாப்புத்துறை அறிவுறுத்தல்

26 Feb 2019

பாகிஸ்தானில் இந்திய ராணுவம் நடத்திய தாக்குதல்: விமானப் படைக்கு குவியும் வாழ்த்துகள்

26 Feb 2019

எல்லை கட்டுப்பாடு பகுதியில் பயங்கரவாத முகாமை வெடிகுண்டு வீசி அழித்தது இந்திய விமானப்படை

19 Feb 2019

புல்வாமா தாக்குதலில் பலியான வீரரின் மகளைத் தத்தெடுத்த நெகிழவைத்த பிஹார் ஐஏஎஸ் அதிகாரி

19 Feb 2019

தேசவிரோத சட்டத்தில் 12-ம் வகுப்பு மாணவர் கைது - சமூக ஊடகங்களில் சர்ச்சைக் கருத்து

15 Feb 2019

பயங்கரவாதத்தை எதிர்ப்பதில் அரசுக்கு ஆதரவாக அனைவரும் ஒன்றிணைவோம் - ராகுல்காந்தி

15 Feb 2019

மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை

15 Feb 2019

காஷ்மீரில் 44 ராணுவ வீரர்கள் பலி- இதுவரை நடக்காத மிகப்பெரிய தாக்குதல்